Mwen jalou pou je w k ap gade lòt gason
Mwen jalou pou cheve w van ap pede soufle
Mwen jalou pou wòb ou w ap leve pou w pise
Mwen jalou pou bouch ou lang ou ap byen souse
Mwen revolte lè m wè kilòt ou pran plas mwen fè yon sèl ak po dèyè w
Mwen jalou, mwen pran tranble lè m wè rad sou ou ap plede karese po w
Mwen jalou, mwen fou
Mwen jalou, mwen jalou paske pafen w mete pran plas sant kò mwen
Mwen rayi solèy ki klere kò w bay lòt jennjan kontanple
Mwen jalou pou dlo k ap koule sou po w trò dous
Mwen jalou pou pwent tete w k ap bo ak soutyen w
Mwen jalou lè m la lè m panse m gen pou m pa la
Mwen jalou